Күн-дьыл туруга бүгүн хайдаҕый?

Бүгүн, атырдьах ыйын 17 күнүгэр, Саха сиринээҕи гидрометеокиин иһитиннэрбитинэн, Саха сирин арҕаа өттүгэр уонна Өлүөнэ өрүс алын тардыытыгар ардаабат.

Киин улуустарга уонна Ленскэй, Өлөөн, Усуйаана, Өймөкөөн улуустарыгар кэккэ сирдэринэн кыратык ардыаҕа. Ленскэйгэ этиҥнээх буолуоҕа уонна сөкүүндэҕэ 15-17 миэтэрэ түргэннээх тыал түһүө.
Үгүс улууска түүнүн халлаан +10, +15 кыраадыс буолбут, оттон күнүһүн 19-24 кыраадыс сылыйыа. Соҕуруу уонна соҕуруулуу-арҕаа 28 кыраадыска тиийэ итийиэ. Бүгүн Дьокуускайга күнүһүн 22, 24 кыраадыс сылыйыа.