Хаартыска -- СӨ Аҕа баһылыгын уонна Бырабыыталыстыбатын пресс-сулууспата
Кэлэр нэдиэлэ саҥатыттан — бэнидиэнньиктэн Саха сирин тэбэр сүрэҕэ Дьокуускай киин болуоссатын саҥардыы үлэтэ саҕаланыаҕа.
Ленин болуоссатын көҕөрдүүгэ, дьон сылдьар тротуардарын саҥардыыга улахан үлэ барыаҕа. 13 миэтэрэлээх сэргэлэри туруоруохтара. Киров уонна Аммосов уулуссаларын диэки сынньалаҥ зонатынан буолуоҕа. Манна тиит мас, үүнээйи арааһын олордуохтара. Ураты бырайыагынан оҥоһуллубут ыскамыайка элбээн, сынньана түһэн ыларга бэртээхэй хонуу баар буолуоҕа.
Саха сирин куораты тутууга архитектураҕа управлениета иһитиннэрбитинэн, өссө араас гранит билиитэ устун хаамар буолуохпут. 1,2 м диаметрдаах 12 сэргэ Аммосов уонна Киров уулуссарын эҥэр туруохтара. Бу сэргэлэр олох ураты киэргэллээх буолуохтара. Ол ону болуоссаты саҥардыы үлэтэ түмүктэннэҕинэ көрүөхпүт. Оттон араас өҥнөөх уотунан болуоссаппыт күлүмүрдүү оонньуоҕун туһунан киһи этэ да барбат! Өссө фонтан сэргэлэри кытта араас өҥүнэн оонньоон, нууччалыы эттэххэ, «светомусукалаах» буолар.
Өрөмүөн үлэтэ эһиил күһүн — 2024 сылга түмүктэниэҕэ. Онуоха диэри национальнай сахалыы колориттаах болуоссаппыт хаһан араас уотунан күлүмүрдээн, биһиги дууһабытын сылаанньытарын тулуурдаахтык кэтэһиэхпит буоллаҕа.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…