Ленскэй куоракка тахсыбыт быһылаан туһунан иһитиннэриинэн полиция бэрэбиэркэ ыытар

Ыам ыйын 9 күнэ үүнэр түүн Ленскэй куорат кылабыыһатыгар ытыалаһыы тахсыбытын туһунан иһитиннэрии социальнай ситимнэргэ  тарҕанна.

Быһылаан туһунан кыттааччылартан эбэтэр көрбүт дьонтон ИДьМ Ленскэй улууһунааҕы салаатыгар иһитиннэрии киирбэтэх.  Мэдиссиинэ тэрилтэлэригэр көмө көрдөөн ким даҕаны тиийбэтэх.

Күн бүгүн туһааннаах түгэнинэн полиция үлэһиттэрэ бэрэбиэркэ ыытыллар. Ол түмүгэр сокуоҥҥа олоҕуран быһаарыы ылыныллыаҕа диэн СӨ ИДьМ пресс-сулууспата иһитиннэрэр.