Ленскэй кыраайга оҕолор сүһүрбүттэрэ кырдьык дуо?

«Ленскэй кыраай” физико-математическай пуорумҥа сибиэһэйэ суох астан оҕолор сүһүрбүттэрин туһунан социальнай ситимҥэ сурах таҕыста. Бу сурах чахчытын билээри, СӨ наукатын дьоҕус акадьыамыйатын ректорыгар Василий Климович Павловка сибээскэ таҕыстыбыт. Василий Климович маннык кэпсээтэ:

Аҕыйах хонуктаах үөрэтэр бырагыраама бу ааспыт өрөбүллэргэ бүппүтэ. Бүтэһик күннэргэ хас да оҕо доруобуйата чахчы мөлтөөбүтэ. Маҥнай күөмэйдэрэ ыалдьыбыт этэ. Кэнники истэрэ эмиэ ыалдьыбыта. Онон ротавируснай дьаҥ быһыылаах диэн сабаҕалааһын баар. Аһылыктара бэрэбиэркэҕэ барбыта. Бэрэбиэркэ бара турар. Оҕолор этэҥҥэ буолуохтарын наада.