Эспэдииссийэ кыттааччыта — ахсыс кылаас үөрэнээччитэ

Горнай улууһун В.Д.Лонгинов аатынан Атамай орто оскуолатын «Лонгиновцы» байыаннай-патриотическай кулуубун оҕолорун икки ардыларыгар «Подвигу Героя мы верны» диэн күрэс буолла.

Күрэс «Экспедиция по следам жизни Героя» диэн Бэрэсидьиэн Пуондатын гранын ылбыт бырайыак чэрчитинэн ыытылынна. Үс түһүмэх түмүгүнэн, кыайыылаах аатын 8 кылаас үөрэнээччитэ Савелий Филиппов ылары ситистэ. Кини Москва куоракка барар путевканан уонна кубогынан наҕараадаланна.

Дьоруой Владимир Лонгинов олоҕун чинчийэргэ анаммыт эспэдииссийэ састааба толору туолла. Онон алта киһилээх эспэдииссийэ муус устарга Москва куоракка айанныа.

Татьяна Павлова,

Атамай.

Хаартыскаҕа, видеоҕа Т.Павлова түһэриитэ, устуута