Маҕаһыын каассатыттан харчы уорбут

Дьокуускайга 1  №-дээх полиция отделыгар биир урбаанньыттан маҕаһыынын каассатыттан харчы уорбуттарын туһунан сайабылыанньа киирбит.

Ис дьыала министиэристибэтин пресс-сулууспата иһитиннэрбитинэн,  Воинскай уулуссаҕа баар маҕаһыынтан харчы сүппүт. Суһал-ирдиир үлэ түмүгэр биллибитэ, урут сууттана сылдьыбыт 20 саастаах маҕаһыын үлэһитэ үлэтин кэмигэр арыгылаан баран, каассаттан 7 тыһ. солк. уорбут.
Билигин эр киһиэхэ РФ Холуобунай кодексын 160 ыст. 1 чааһынан холуобунай дьыала тэриллибит.