Орто Сурт олохтоохторо субуотунньуктаатылар

Горнайга Орто Сурт олохтоохторо ыам ыйын 1  күнүн өрүү да буоларын курдук, уратытык көрүстүлэр. Бу күн кинилэр субуотунньуктаатылар.

Байыаннай дьайыыга сылдьар уолаттар дьиэ кэргэттэригэр, аҕам саастаах дьонноругар оһоххо оттор мастарын бэлэмнээтилэр. Мас эрбээтилэр, саһаан туруордулар. Онон барыта уон икки ыалга мас бэлмнэннэ. Субуотунньукка бу күн 80-тан тахса киһи кыттынна.

Суон тиит курдук сомоҕолоһон, сыалларын толорон, соруктарын ситиһэн, Орто Сурт олохтоохторо үтүөнү үксэтистилэр.

Валентина Яковлева

Хаартыскаларга түһэрдилэр, видеоҕа уһуллулар Марфа Текеянова, Анастасия Максимова,

Горнай.