Хаартыска: https://www.sakha.gov.ru/
«Россети» хампаанньа илин эҥээр улуустарын уотунан хааччыйар «Майа» подстанцияҕа өрөмүөн үлэлэрин ыытар.
Оттукка бэлэмнэнии чэрчитинэн, кабель муупта сабыылаах куонтурун өрөмүөннүөхтэрэ.
«Ил Дархан Айсен Николаев «Россети» хампаанньаны кытары кэпсэтиитин түмүгэр, оттукка бэлэмнэнии чэрчитинэн, быйыл алтынньы ыйга диэри «Майа» подстанцияҕа өрөмүөн үлэлэрин ыытыы туһунан дуогабар түһэрсилиннэ. Технологическай үлэлэр уоту биэриигэ кэһиилэр уонна саахаллар тахсыыларын кыччатыа, уотунан хааччыйыыны тупсарыа», – диэн олох-дьаһах, коммунальнай хаһаайыстыба уонна энэргиэтикэ миниистирэ Вячеслав Емельянов бэлиэтээтэ.
Кини этэринэн «Майа» подстанция тутуллуутугар оҥоһуллубут бырайыак Саха сирин килиимэтигэр эппиэттээбэт.
«Кабель муупталар урут биһиги өрөспүүбүлүкэбит килиимэтин учуоттаабакка оҥоһуллубуттар. Ол иһин техническэй үлэ ыытыллан – кабель муупталара сылаас, сабыылаах сиргэ тутуллуохтара», – диэн быһаарда Вячеслав Емельянов.
Миниистир «Якутскэнерго» хампаанньаҕа, Табаҕа подстанциятыттан илин эҥээр улуустарын уоту сүрүн туһанааччыларын көһөрөр үлэни ыыпытын иһин, махтанна.
Санатар буоллахха, кэнники кэмҥэ «Майа» подстанцияҕа кэккэ технологическай кэһиилэр тахсаннар, илин эҥэр улуустар уоттара бара сырытта. Өрөмүөн кэмигэр «Якутскэнерго» хампаанньа Табаҕа подстанциятыттан солбук схеманы холбоон, уотунан хааччыйда.
Ил Дархан уонна СӨ Бырабыыталыстыбатын пресс-сулууспата.
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…
Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…