Максим Сорочинскай ураты лиэксийэтигэр ыҥыраллар

Арассыыйа билимин күнүн чэрчитинэн Ааҕыы киинэ педагогика билимин хандьыдаата, ыччат бэлиитикэтин туйгуна, ХИФУ педагогикаҕа институтун информатикаҕа уонна вычислительнай тиэхиньикэҕэ кафедратын дассыана, Арассыыйатааҕы “Билии” уопсастыба “Лектордар лигалара” күрэһин бастыҥ лиэктэрэ аатын сүкпүт Максим Сорочинскай аһаҕас лиэксийэтигэр ыҥырар.  

Кэрэхсэбиллээх лиэксийэ бу бээтинсэҕэ, олунньу 7 күнүгэр, күнүс 12:00 чаастан буолар. 10-тан үөһэ саастаах оҕолору ыҥыраллар.

Билим уонна технология уон сылын иитинэн Арассыыйатааҕы Билим күнүгэр аналлаах лиэксийэ “Влюбиться в науку за 60 минут” тиэмэлээх барар.

Билим эйгэтигэр киирэн тахсар кыаҕы мүлчү тутумаҥ уонна бэйэтин дьыалатын билэр киһиэхэ ыйытыыгытын биэриҥ.

Максим Анатольевич бу иннинэ биһиги бибилэтиэкэбитигэр “Что мы можем узнать о нашем мозге” диэн интерактивнай дьарыгы ыытан турар.  Кырачаан ааҕааччылар билим кэнсиэпсийэтэ хайдах курдук өйдөнөрүн илэ көрбүттэрэ. Сорочинскай лиэксийэлэрэ өрүү тэтимнээҕинэн, кыттааччылары көхтөөхтүк кытыннарарынан, тиэмэни киэҥник хабарынан уратылаахтар.

Лиэксийэҕэ киирии босхо. Миэстэтэ хааччахтаах, 89969141221 нүөмэринэн бассаабынан сурутуҥ. Бу туһунан Ааҕыы киинэ иһитиннэрэр.