Мархаҕа уу ситимин бырайыага оҥоһуллар

Мархаҕа Бырабыыталыстыба ааспыт сыллааҕы үлэ-хамнас туһунан отчуотттаата. Тэрээһин СӨ ОДьКХ уонна энергетикатын миниистирэ Вячеслав Емельянов салалтатынан барда.

Миниистир мархаларга Дьокуускайга «Куорат хаһаайыстыбатын көрөр-истэр сулууспа» МКУ билигин микрооройуоҥҥа киин уу ситимин тутарга бырайыактыыр-симиэтэ докумуонун  оҥоруунан дьарыктанарын иһитиннэрдэ.

«Эбийиэк тутуутун ороскуотун учуоттаан, коммунальнай инфраструктураны саҥардан оҥорууга туһуламмыт РФ тутуу министиэристибэтин федеральнай бырайыактарыгар кыттар кыаҕы көрүөхпүт», — диэн бэлиэтээтэ Вячеслав Емельянов.

Ону таһынан, эбийиэктэри тутуу, уулусса уотун-күөһүн оҥоруу, суол-ис тупсарыытын үлэтэ, үөрэх эйгэтигэр эдэр исписэлиистэри ыҥырыы, уо.д.а. боппуруостары көтөхтүлэр, хонтуруоллааһын туһунан чопчуластылар. Бэйдиэ сылдьар ыттар кыһалҕаларыгар эмиэ тохтоотулар.

Дьон-сэргэ ыйытыыларыгар быһаарыылар бэрилиннилэр. Сорох ыйытыылар тустаах министиэристибэлэргэ уонна Дьокуускай куорат дьаһалтатыгар көрүүгэ ыытылыннылар.

СӨ Ил Дарханын уонна Бырабыыталыстыбатын пресс-сулууспата