“Сырдык киин куорат” чэрчитинэн үлэ салҕанар

“Сырдык киин куорат” муниципальнай бырагыраама чэрчитинэн, Дьокуускайга быйыл 463 уот остуолбатын туруоруохтара уонна 23 эбийиэккэ 486 лаампаны холбуохтара.

Бу туһунан куорат хаһаайыстыбатын үлэлэтэр сулууспата иһитиннэрэр. “Сырдык киин куорат” муниципальнай бырагыраамаҕа өрөспүүбүлүкэ бүддьүөтүттэн 60 мөл.солк., киин куорат бүддьүөтүттэн 17 мөл 900 тыһ. солк. көрүллүбүтэ.

Сырдатыы сүрүн үлэлэрэ ааспыт сылтан куорат таһынааҕы сэлиэнньэлэргэ ыытыллар. Быйыл уот остуолбалара Марха, Маҕан, Табаҕа, Хатас, уо.д.а. уулуссаларгар туруоруллуохтара. Дьокуускай уулуссаларыгар эмиэ элбэх үлэ ыытыллыа.