18 саастаах уол киһини өлөрүүгэ уорбаланар

СӨ СК (силиэстийэлиир кэмитиэтэ) 18 саастаах уорбаланааччыга Арассыыйа Федерациятын холуобунай кодексатын 105 ыст. 1 ч. (киһини өлөрүү) холуобунай дьыала тэрийдэ. Холуобунай дьыала матырыйаалыгар сурулларынан, бу дьыл тохсунньу 21 күнүгэр, киэһэ 23.00 чааска Дьокуускай куорат Мархатыгар баар дьиэ тиэргэниттэн быһаҕынан анньыллыбыт 26 саастаах эр киһини суһал мэдиссиинэ көмөтүн киинигэр киллэрбиттэр. Эр киһи ылбыт эчэйиититтэн өр буолбакка тыына быстыбыт. Бу дьыалаҕа сыһыаннаах 18 саастаах уорбаланааччыны ИДьМ холуобунай ирдэбил үлэһиттэрэ туппуттар. Билиҥҥи туругунан холуобунай дьыала тула силиэстийэлиир үлэлэр ыытыллаллар диэн СӨ Силиэстийэлиир кэмитиэтин пресс-сулууспата иһитиннэрэр.