Мэҥэ Хаҥалас улууһугар уоруйахтары туттулар

ИДЬМ дьуһуурунай чааһыгар Мэҥэ Хаҥалас улууһугар  хампаанньаттан тырааныспар тэлиэскэлэрин уоруута тахсыбытын туһунан сайабылыанньа киирбит. Хоромньу уопсайа 45 000 солк. сыаналанна.

Бу туһунан ИДЬМ пресс-сулууспата биллэрэр. Суһал-көрдүүр тэрэһиннэринэн полиция үлэһиттэрэ икки 28 саастаах уорбаланааччылары туттулар.

Уорбаланааччылар хампаанньа территориятыгар киирэннэр икки тимир тэлиэскэни уорбуттар уонна чугас эргин кистээбиттэр. Уоруллубут тэлиэскэлэри төнүннэрдилэр. Холуобунай дьыала тэрилиннэ. Уорбаланааччылар 5 сылга диэри көҥүллэрэ быһыллыан сөп.