Мэҥэ Хаҥаласка эр киһи массыынатыгар угаардаан өллө

Суукка иһигэр өрөспүүбүлүкэҕэ 9 буруйу оҥоруу түбэлтэтэ бэлиэтэннэ диэн СӨ Борокуратуурата иһитиннэрэр.

Ленскэй уонна Нерюнгри оройуоннарыгар түөкүннээн буруйу оҥоруу түбэлтэлэрэ тахсыбыттара бэлиэтэннэ. Онтон 3 эмсэҕэлээбит киһиэхэ уопсайа 4,5 мөл. солк. суумалаах хоромньу тахсыбыта быһаарылынна. Түөкүннээһин саҥа схематынан – «инвестиция», «Энергосбыт» үлэһитин кытта уонна «Страховой полиһы уларытыы» туһунан төлөпүөнүнэн кэпсэтии буолбут.

Дьокуускай куоракка уоруу тахсыбыт, наркотигы сокуоннайа суох эргинии эйгэтигэр буруйу оҥорууну тохтотуу буолбут.

Ленскэй уонна Чурапчы улуустарыгар итирик туруктаах сылдьан тырааныспар ыытан тутуллубуттар. Мэҥэ Хаҥалас улууһун Хаптаҕайыгар бэйэтин гарааһыгар 1974 с.т. эр киһи өлүгүн булбуттар. Эр киһи массыына мотуорун гааһыттан угаардаан өлбүт.

Киһи өлүүлээх суол-иис саахала бэлиэтэммэтэх. Суукка иһигэр итирик туруктаах тырааныспары ыыта сылдьан 10 киһи тутуллубут.