Ааптар хаартыскаҕа түһэриитэ
СӨ Роспотребнадзор иһитиннэрбитинэн, быйылгы дьыл ыам ыйын 29 күнүнээҕи туругунан, өрөспүүбүлүкэ үрдүнэн 30 киһи клещкэ ытыттарбыт. Ол курдук Дьокуускайга уонна алта оройуоҥҥа ытыттарыы түгэннэрэ тахсыбыттар.
Ленскэй оройуонугар 12 киһи ытыттарбыт, онтон иккитэ оҕо. Өлүөхүмэ оройуонугар 5 киһи ытыттарбыт, онтон биирэ оҕо. Алдан, Нерюнгри оройуоннарыгар түөртүү түгэн бэлиэтэммит. Мэҥэ Хаҥалас улууһугар уонна Дьокуускай куоракка иккилии түгэн, онтон биирэ оҕо. Таатта улууһугар биир киһи ытыттарбыт. Клещкэ ытыттарбыт 30 киһиттэн 20-тин бэрэбиэркэлээн профилактиканы ыыппыттар. Онно биллибитинэн, икки киһи эрдэ клещ дьаатыттан быһыы ыла сылдьыбыттара биллибит. СӨ «Гигиена уонна эпидемиология киинин» сэрэхтээх инпиэксийэлэри быһаарар лаборатория ИФА ньыматынан дьону ытырбыт сэттэ клеһы бэрэбиэркэлээбит. Ол түмүгүнэн, Мэҥэ Хаҥалас клеһэ вируснай энцефалиттааҕа биллибит. Онон элбэх дьон тоҕуоруһар сиригэр акарициднай эмтиир уонна сэрэтэр үлэлэр ыытыллыахтара.
Нам улууһугар анал байыаннай дьайыыга сылдьар биир дойдулаахтарыгар көмө оҥоруу тиһигэ тохтообот. Ол курдук, Бөтүҥ…
Быйыл саас Чөркөөх түмэлин бастакы сэбиэдиссэйэ Людмила Николаевна Григорьева төрөөбүтэ 80 сылын туолбута. Кини бэлиэ…
Бу күннэргэ эр дьоҥҥо саамай күүтүүлээх кэм - булт сезонун үгэнэ. Сотору кэминэн Улуу Кыайыы…
Билигин саалаҕа физкултуура уруоктарын ыыталлар, ону таһынан успуорт араас көрүҥнэригэр эбии дьарыктыыллар. «Гимназияҕа успуордунан дьарыктанарга улахан…
Айхал Габышев, Саха сирин аҕаларын түмсүүтүн салайааччыта, элбэх оҕолоох ыал аҕата патриотизм туһунан санаатын үллэһиннэ.…
Сунтаар сэлиэнньэтигэр икки сүппүт оҕону ааспыт түүн булбуттар. 9 саастаах уонна 7 саастаах кыыс, оҕо…