Миэбэл сакаастаары түөкүттэргэ түбэспит…

Ааспыт сууккаҕа полицияҕа түөкүннээһин туһунан  сайабылыанньа өрөспүүбүлүкэ үс олохтооҕуттан киирбит. Бу туһунан Ис дьыала министиэристибэтин телеграм ханаалыгар иһитиннэрдилэр.

Ол курдук,  Нерюнгри олохтооҕо  интэриниэккэ  киирэн  гостиница сакаастаабыт уонна ыйыллыбыт счекка  130 тыһ. солк. ыыппыт.  Оттон Дьокуускай  куорат 35 саастаах урбаанньыт дьахтара  маҕаһыын албын саайтыгар киирэн  миэбэл сакаастаан,  364 тыһ. солк. маппыт.  Кини остуол уонна кириэһилэ атыылаһаары түөкүттэр албыннарыгар киирэн биэрбит.  Эмиэ маныаха маарыҥныыр  түбэлтэҕэ  Томпо улууһун 53 саастаах  электросилиэсэрэ түбэспит.  Кини саайтка  тыы сакаастаабыт уонна ыйыллыбыт нүөмэргэ  108 500 солк. ыыппыт.