Бу күннэргэ саха хоһуун уолаттарын взводтарын хамандыыра Михаил Ан фронтан илдьитин ыытта. Бу туһунан Үөһээ Бүлүү улууһун үөрэх управлениетын салайааччы Спиридон Борбуев иһитиннэрэр.
— Биһиги этэҥҥэ сылдьабыт, “передовойга” суохпут, ол эрэн чугас баарбыт. Үөһээ Бүлүү сэлиэнньэтин баһылыга Максим Силигиянов кэлэн, күүспүтүгэр күүс эптэ, дойдубут киһитэ анаан-минээн кэлбитэ санааҕа олус астык. Кини хараҥаҕа көрөр, сылааһы-итиини араарар (тепловизор) уонна да атын анал тиэхиньикэлэри аҕалан үөртэ. Саха сириттэн илдьэ кэлбит “симкаларбыт” үлэлээбэттэр, онон атын нүөмэрдэри ылынныбыт, — диэн хамандыыр илдьитин тиэрдибит.
Санатар буоллахха, соторутааҕыта Максим Силигиянов фроҥҥа тиийэн, биир дойдулаахтарыгар анал тиэхиникэни, чугас дьоннорун кэһиилэрин илдьэн биэрбитэ, санааларын көтөхпүтэ.
Ыспыраапка: Михаил Васильевич Ан — парашютист, муора пехотинеһа, быыһааччы, учуутал, баһаарынай, булчут, снайпер, байыаннай-патриотическай иитиини көҕүлээччи, элбэх оҕолоох аҕа. Үөһээ Бүлүүтээҕи көрдүүр-быыһыыр этэрээт начаалынньыгынан үлэлээбитэ. Биир дойдулаахтара кинини «Үөһээ Бүлүү оборуонатын миниистирэ» диэн ааттаабыттара. Билигин фроҥҥа саха уолаттарын взводтарын хамандыыра. Үгүс сыратын байыаннай-патриотическай иитиигэ биэрбит уопуттаах салайааччы уолаттары көрө-истэ, араҥаччылыы сылдьар. Олоҕор муора пехотинецтарын девизтэрин тутуһар: «Там, где мы, — там победа!».
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…