Михаил Мишустин: Уһук Илини сайыннарыыга Бырабыыталыстыба көҕүлээһиннэрэ үчүгэй түмүктэри көрдөрдө

Михаил Мишустин: Уһук Илини сайыннарыыга Бырабыыталыстыба көҕүлээһиннэрэ үчүгэй түмүктэри көрдөрдө

Ааптар:
03.04.2024, 21:42
Хаартыска: Госдума саайтыттан
Бөлөххө киир:

РФ премьер-миниистирэ Михаил Мишустин бүгүн, муус устар 3 күнүгэр, Госдумаҕа дойду Бырабыыталыстыбата 2023 сылга ыыппыт үлэтин уонна сүрүн хайысхаларынан ылыныллыбыт дьаһалларын тустарынан кэпсээтэ. Сүрүннээн Уһук Илин уокуругу сайыннарыыга дойду Бырабыыталыстыбатын көҕүлээһиннэрэ үчүгэй түмүктэри көрдөрбүтүн бэлиэтээтэ.

Уһук Илин уокурукка судаарыстыба көмөтүнэн 3 тыһ. кэриҥэ инвестиция бырайыактара үлэҕэ киирбиттэр. 2023 сылга экэниэмикэҕэ уонна социальнай эйгэҕэ 3 трлн солк. тахса  үп-харчы угуллубут. Манна инвестициялары тардарга преференциальнай эрэһиимнэр үлэлииллэр — урутаан территориялары сайыннарыы уонна Владивосток көҥүл пуорда. Үс сыл анараа өттүгэр маннык эрэһиими Курильскай арыыларга үлэҕэ киллэрбиттэрэ. Билигин онно бырайыактарын 24 резиденнэр 5 млрд солк. кэриҥэ уопсай суумалаах кээмэйдээх инвестицияны тардан олоххо киллэрэллэр. 400-тэн тахса үлэ миэстэтэ таҕыста.

Уһук Илин уокурукка атын мэхэньииһимнэр эмиэ ситиһиилээхтик үлэлииллэр:

  • Уһук Илиҥҥи концессия,
  • Биир кэлим Бэрэсидьиэн субсидията,
  • «Уһук Илиҥҥи гектар».

Бу мэхэньииһимнэр көмөлөрүнэн түөрт сыл иһигэр тыһыынча кэриҥэ инфраструктура эбийиэктэрэ тутулуннулар, оттон сир учаастактара 120 тыһ. тахса киһиэхэ түҥэтилиннэ. Уһук Илин эрэгийиэннэрин кэлимник тутууга «Уһук Илиҥҥи кыбартаал» бырагыраама көмөлөһөр. Биир кэлим Уһук Илиҥҥи авиахампаанньата эрэгийэннэр тырааныспардарын сибээһин хаачыстыбатын үрдэттэ. Үс сыл иһигэр чэпчэтиилээх тарыыптарынан 800 тыһ. тахса киһи туһанна.

Оттон «Тупсаҕай куорат эйгэтин оҥоруу» Бүтүн Арассыыйатааҕы бырагыраама куонкуруһун бырайыактарынан  кыра нэһилиэнньэлээх пууннары уонна историческай суолталаах бөһүөлэктэри тупсарыыга 700-кэ бырайыак олоххо киирдэ. Былырыын Бэрэсидьиэн сорудаҕынан Уһук Илиҥҥи куораттарыгар анаан икки анал күрэхтэһии ыытыллыбыта. Граннарга 82 кыайыылаахтарга уопсайа 8 млрд солк. тахса үп-харчы ыытыллыбыта этилиннэ.

Ону кытта Хотугу Кавказ, Уһук Илин, Арктика, Крым уонна Севастополь, Калининград уобаластарыгар бэйэ оҥорон таһаарыыны улаатыннарыы ирдэниллэр, инфраструктурнай хааччахтары суох оҥорууга уонна инвестиционнай кыахтары улаатыннарыыга күүскэ үлэлиэхтэрин наада диэн Михаил Мишустин эттэ.

+1
1
+1
0
+1
1
+1
2
+1
0
+1
0
+1
0
Бары сонуннар
Салгыы
21 апреля
  • 5°C
  • Ощущается: 2°Влажность: 56% Скорость ветра: 4 м/с

Сообщить об опечатке

Текст, который будет отправлен нашим редакторам: