Мииринэйгэ суол саахалыгар икки киһи эмсэҕэлээтэ

Мииринэй оройуонугар бэс ыйын 8 күнүгэр икки киһи суол быһылааныгар эмсэҕэлээтилэр. Бу туһунан оройуон ИДьМ пресс-сулууспата иһитиннэрэр.

Күнүс 12 чаас саҕана 35 саастаах суоппар Toyota Town Ace массыынанан Айхал куораттан Удачнайга диэри «Анаабыр» эрэгийиэннээҕи суолунан айаннаан испит. Массыына аһары түргэнник айаннаан суол кытыытыгар баран түспүт.

Ол түмүгэр суоппар сүнньүн өлөрбүт, онтон олорсон испит дьахтар тоноҕоһун уонна ойоҕоһун уҥуоҕун эчэппит. Иккиэн балыыһаҕа киирдилэр.