Салгыы
Муус устар 12 күнүгэр Бүтүн Арассыыйатааҕы “Работа России. Время возможностей” үлэ дьаарбаҥката буолар

Муус устар 12 күнүгэр Бүтүн Арассыыйатааҕы “Работа России. Время возможностей” үлэ дьаарбаҥката буолар

11.04.2024, 15:15
Андрей Сорокин хаартыската, СИА.
Бөлөххө киир:

Муус устар 12 күнүгэр олоҕурбут көрүҥүнэн Бүтүн Арассыыйатааҕы “Работа России. Время возможностей” үлэ дьаарбаҥкатын эрэгийиэннээҕи түһүмэҕэ буолар. Дьаарбаҥка өрөспүүбүлүкэ бары улуустарыгар ыытыллар. Дьокуускай куоракка “Үлэ кыбаартала” креативнай кластерга, бу ыйыллыбыт аадырыска тэрийиэхтэрэ: Труд уул. 1а нүөмэрдээх дьиэтэ.

Хаартыска: minobrnauki.sakha.gov.ru

Дьаарбаҥкаҕа ситэриилээх былаас федеральнай уорганын, Саха Өрөспүүбүлүкэтин судаарыстыбаннай былааһын ситэриилээх уорганын бэрэстэбиитэллэрэ, биисинэһи сайыннарар институттар, судаарыстыбаннай кыттыылаах хампаанньалар, урбаанньыттар, үлэ биэрээччилэр, Идэлээх Сойуустар холбоһуктара кыттыахтара диэн Үөрэх уонна билим министиэристибэтин саайтыгар сырдаталлар.

Кыттар дьон: үлэ биэрээччилэр; үлэтэ суох быһыытынан нэһилиэнньэ дьарыктаах буолуутун кииннэригэр бэлиэтэммиттэр (зарегистрированные); үлэтэ суох, бэйэлэрэ үлэрэ көрдүүр дьон; үлэлээх эрээри, үлэлэрин миэстэтин уларытыан баҕарар дьон; үрдүк, орто үөрэҕи бүтэрээччилэр; устудьуоннар; үрдүкү кылаас үөрэнээччилэрэ, төрөппүттэр, педагогтар уонна биирдиилээн сэҥээрбит дьон.

Дьокуускай куоракка кыттааччылары бэлиэтээһин муус устар 12 күнүгэр сарсыарда 9:00 чаастан, “Үлэ кыбаарталыгар” (Труд уул. 1а нүөмэрдээх дьиэтэ) саҕаланар.

Сиһилии Саха Өрөспүүбүлүкэтин официальнай иһитиннэрэр порталыгар бу сигэнэн билсиэххитин сөп: https://gkzn.sakha.gov.ru  уонна https://t.me/gkznsakha Telegram-канал, СӨ нэһилиэнньэ дьарыктаах буолуутун киинин интерактивнай порталыгар бу аадырыһынан: https://работавякутии.рф  уонна Telegram-канала: https://t.me/czn_yakutia

Дьаарбаҥка бырагырааматын туһунан манна ааҕыҥ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июля
  • 22°C
  • Ощущается: 22°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: