Муус устар 23 күнэ: инчэҕэй хаар, ардах уонна тыал

Бүгүн, муус устар 23 күнүгэр, өрөспүүбүлүкэ соҕуруу өттүгэр инчэҕэй хаар түһэрэ, күнүһүн ардыыра күүтүллэр диэн ЯУГМС иһитиннэрэр. 

Арҕаа киин улуустарга кыралаан сөҥүүлээх. Хоту уонна хотугулуу-арҕаа улуустарга эмиэ инчэҕэй хаар түһүөҕэ.

Нерюнгри оройуонугар күнүһүн соҕуруулуу-илинтэн сөкүүндэҕэ 15 миэтэрэ түргэннээх тыаллаах.

Арктика кытылыгар улахан сөҥүүтэ суох, илинтэн сөкүүндэҕэ 9-14 миэтэрэ түргэннээх тыаллаах, Анаабырга уонна Аллараа Халымаҕа сөкүүндэҕэ 15-20 миэтэрэ түргэннээх тыаллаах.