Кулун тутар 16 күнүгэр улуустарга «Муус устар» бэстибээл сүүмэрдиир түһүмэхтэрэ түмүктэниэхтэрэ.
Түмүккэ, Дьокуускайга, хас биирдии оройуон аҕыйахтыы киһилээх эбэтэр 60-70 киһилээх дэлэгээссийэнэн кыттыа. Ыччаттартан 5000-тан тахса сайаапка киирбит.
Кыайыылаахтар 12 араас хайысханан быһаарыллыахтара, ону сэргэ «Лучший арктический район» уонна «Лучший молодежный район/городской округ» биллиэ.
Көхтөөх кыттааччылартан биирдэстэринэн Нерюнгри оройуона буолар. Оройуон дьаһалтатыттан социальнай уонна ыччат бэлиитикэтин отделын начаалынньыга Анастасия Палагина иһитиннэрбитинэн, кинилэр успуорт эйгэтигэр бырайыактарын киллэрбиттэр, ырыа куонкуруһун ыыппыттар, ону сэргэ, оробуочай идэҕэ күрэс тэрийбиттэр.
«Доброволец Якутии» эрэгийиэннээҕи бириэмийэҕэ биһиги волонтердарбыт түөрт номинацияҕа кытыннылар. Ааспыт сылларга ыччаттарбыт бэстибээллэр кыайыылаахтарынан, призердарынан буолуталаабыттара. Кинилэринэн киэн туттабыт. Быйыл эмиэ үчүгэй бэлэмнэнии буолла, өрөспүүбүлүкэ таһымыгар кыттарга эдэр ыччат турунна«, — диэн кэпсиир кини.
Сүүмэрдиир түһүмэххэ кытталларыгар оройуон тэрилтэлэрэ өйөөтүлэр. Холобур, Бүлүүгэ «Поколение профи» куонкуруска ЯТЭК уонна «Сахатранснефтегаз» АУо өйөөбүттэрэ. «Газпром» хампаанньа бэйэтин эдэр ыччатын өйүүр. Кыттааччылары, маны сэргэ, нэһилиэктэр баһылыктара эмиэ өйөөтүлэр. Өлүөхүмэ дьаһалтатыттан ыччат отделын исписэлииһэ Марина Химич кэпсээбитинэн, Дьокуускайга түмүктүүр түһүмэххэ кэлэллэригэр улуустааҕы үөрэх управлениета оптуобуһунан хааччыйбыт.
Ыраах улуустар сүүмэрдиир түмүһэхтэрин ыраахтан олорон ыыттылар. Ол гынан баран, Дьокуускайга дэлэгээссийэлэр толору састаабынан кэлэллэр. Булуҥҥа сүүмэрдиир түһүмэххэ 80-тан тахса киһи кыттыбыт. Анаабыр ыччата «Стартуй к бизнесу!» көхтөөхтүк кыттар.
«Өрөспүүбүлүкэтээҕи түмүктүүр түһүмэххэ 30 киһилээх дэлэгээссийэни ыытабыт. Ыччаттар барытыгар көхтөөхтүк кыттыбыттара«, — диэн иһитиннэрэр Анаабыр оройуонуттан ыччат уонна дьиэ кэргэн бэлиитикэтигэр салаа сүрүн исписэлииһин э.т. Августина Иванова.
Долгутуулаах түмүктүүр түһүмэх тэрээһиннэрэ Дьокуускайга кулун тутар 24-25 күннэригэр буолуохтара. Үһүс төгүлүн ыытыллар бэстибээл 12 хайысханан барар: «Перспектива в познании!», «Поколение профи!», «Воплощай и вдохновляй!», «Создавай и воплощай!», «Расскажи о главном!», «Стартуй к бизнесу!», «Играй и создавай!», «Двигайся и достигай!», «Твори добро!», «Эколидер», «Дипломатия» уонна «Мир цифровизации».
СӨ Ил Дарханын уонна Бырабыыталыстыбатын пресс-сулууспата
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…
Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…