Салгыы
Муус устарга Саха сирин арҕаа өттүгэр ардах түһэрэ сылыктанар

Муус устарга Саха сирин арҕаа өттүгэр ардах түһэрэ сылыктанар

03.04.2024, 12:00
Хаартыска: foto-tula.ru
Бөлөххө киир:

Муус устар ыйга Арассыыйа үгүс эрэгийиэннэригэр температура нуорматтан үрдүк буолуоҕа диэн дойду Гидрометеосулууспатын научнай салайааччыта Роман Вильфанд иһитиннэрдэ.

Кини этэринэн, Хотугулуу-Арҕаа федеральнай уокурукка салгын температурата үгүс сыллар көрдөрүүлэрин куоһарыаҕа диэн «Газета.ру» суруйар.

«Муус устар ыйы сылыктаатахха, Арассыыйа территориятын улахан өттүгэр салгын температурата нуорматтан лаппа үрдүк буолуоҕа. Бу Киин, Соҕуруу, Хотугулуу-Кавказ, Приволжскай уонна Урал федеральнай уокуруктарыгар сыһыаннаах», — диэн Вильфанд эттэ.

Маны таһынан синоптик муус устарга Хабаровскай кыраайга уонна Приморьеҕа сылаас температура буоларын сылыктыыр. Оттон Урал уонна Сибиир хоту өттүгэр сөрүүн буолуоҕа. Бу сирдэргэ температура нуормаҕа сөп түбэһэр, ол эрээри сорох кэмҥэ салгын температурата арыый намыһах көрдөрүүгэ диэри түһүөҕэ диэн бэлиэтээтэ.

Ону кытта метеоролог муус устар ыйга сөҥүү хайдах буоларын кэпсээтэ. Кини этэринэн, Саха сирин арҕаа өттүгэр, Хотугулуу-Илиҥҥи федеральнай уокурук хотугу эрэгийиэннэригэр, чуолаан Карелияҕа, Мурманскай уобаласка уонна Ненецкэй аптаныамыйалаах уокурукка, ону тэҥэ Соҕуруу Приволжскай федеральнай уокурукка, Сибиир федеральнай уокуругун соҕуруулуу-арҕаа өттүгэр, Хабаровскай кыраайга, Красноярскай кыраай киин оройуоннарыгар ыйдааҕы нуорманы куоһарар дохсун ардахтаах күннэр буолаллара күүтүллэр.
Оттон Соҕуруу федеральнай уокурукка, Саха сирин хоту өттүгэр, Чукоткаҕа, Забайкалье уонна Амур уобалаһыгар төттөрүтүн муус устар ыйга сөҥүү тиийбэтэ күүтүллэр. Кураан күн-дьыл туран, ойуур баһаарын эрдэтээҥи куттала үөскүүрүн туһунан синоптик сэрэттэ.

+1
0
+1
0
+1
1
+1
0
+1
4
+1
2
+1
3
Бары сонуннар
Салгыы
19 апреля
  • 5°C
  • Ощущается: 2°Влажность: 42% Скорость ветра: 3 м/с

Сообщить об опечатке

Текст, который будет отправлен нашим редакторам: