Хаартыска: www.sakha.gov.ru
Мэҥэ-Хаҥалас улууһугар «Мүрү» трассаҕа үлэлэр болдьохторуттан эрдэ баран иһэллэр. Суол хапытаалынай өрөмүөнэ 2024 сыл атырдьах ыйыгар «Куттала суох хаачыстыбалаах суоллар» национальнай бырайыак чэрчитинэн саҕаламмыта.
Бүгүн бу үлэ «Олоххо аналлаах инфраструктура» диэн саҥа национальнай бырайыак чэрчитинэн салҕанар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Саха сиринээҕи айан суолларын управлениета иһитиннэрэринэн, билигин Майа сэлиэнньэтин таһыгар 0-ттан 3-с килэмиэтиргэ диэри уонна Бөкө сэлиэнньэтин таһыгар 7,2-тэн 7,9-с килэмиэтиргэ диэри учаастактарга күүстээх үлэ барар. Бу учаастактары үлэҕэ киллэрии быйыл балаҕан ыйыгар былааннанар. Бэдэрээччит «Мегинские автомагистрали» ХЭТ хапытаалынай өрөмүөн сүрүн түһүмэхтэрин, ол иһигэр гаас ситимин саҥаттан тардыыны, суолу бөҕөргөтүүнү, холбоһор сирдэрин оҥорууну, сыырдары бөҕөргөтүүнү, оптуобус тохтобулларын «сиэптэрин» тутууну уонна аспаал алын араҥатын уурууну номнуо түмүктээтэ. Үлэлэр бигэргэтиллибит болдьохтон эрдэ толоруллаллар.
Күһүн бүтүөр диэри 3,7 км уһуннаах суол аныгы икки араҥалаах бүрүөһүннэниэҕэ. Ону таһынан, эбийиэккэ суол куттала суох буолуутун хааччыйар бэлиэлэр оҥоһуллаллар: тротуардар, сырдатыы, хаххалыыр күрүөлэр, тыастаах балаһалар уонна оптуобус тохтобуллара туруоруллаллар.
«Олоххо аналлаах инфраструктура» национальнай бырайыагы Арассыыйа Бэрэсидьиэнэ Владимир Путин көҕүлээбитэ. Бырайыак биир сүрүн хайысхатынан суол инфраструктуратын сайыннарыы буолар, онтон гражданнар олохторун табыгастаах буолуута, куттала суоҕа уонна хаачыстыбата быһаччы тутулуктаах.
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…