Нам улууһугар күүһүнэн кирэдьиит ылларыы дьыалата арылынна

ИДьМ сулууспатын Нам улууһун отделениетыгар биир үөрэх тэрилтэтин күнүскү өттүгэр үөрэнэр устудьуона сайабылыанньа киллэрдэ.

Бу туһунан СӨ ИДьМ пресс-сулууспата иһитиннэрэр. Эдэр эмсэҕэлэнээччи кырбыыр-хаайар күүһүнэн кыра больдьохтоох кирэдьиит ылбыт уонна харчытын барытын биир кууруска үөрэнэр устудьуоҥҥа туттарбыт.

Суһал-көрдүүр дьаһалларынан 18 саастаах уорбаланааччы тутулунна. Кини 50000 солк. кэриҥэ харчыны Дьокуускай куорат түүҥҥү кулууптарыгар ороскуоттаабыта билиннэ.

Уорбаланааччы эдэр устудьуоҥҥа РФ Холуобунай Кодексатын 1 ч. 163 ыст. холуобунай дьыала тэрилиннэ. Ону таһынан үөрэҕиттэн уһулунна.