Наркотик кистэммит баһыылкатын ылбыт

Дьокуускай аэропордугар пассажир наркотик кистэммит баһыылкатын ыларга сөбүлэспит. Бу психотропнай бэссэстибэни полиция үлэһиттэрэ булбуттар диэн Илин-Сибиирдээҕи тырааныспар борокуратуурата иһитиннэрэр.

Бу быһылаан олунньуга буолбут. Наркотигы ыытыыга уорбаланар киһини быһаарбыттар, сууттаныаҕа.

Силиэстийэ дааннайынан, эр киһи интэриниэтинэн 1,215 г ыйааһыннаах наркотигы атыылаһан, кыра кээмэйдээх хоруопкаҕа укпут. Онтон Дьокуускай аэропордугар тиийэн, Белай Гораҕа көтөр пассажир илдьэ барарыгар көрдөспүт.

Холуобунай дьыала тэриллэн, дьыала Дьокуускай куораттааҕы суут көрүүтүгэр ыытыллыбыт.