Нерюнгри улууһун дьаһалтатын баһылыгын солбуйааччыта түөкүннээһиҥҥэ уорбаланар

Муниципальнай хантараагынан Нерюнгри улууһун баһылыгын солбуйааччыта сокуоннайа суох сымыйа дааннайдары толорон, урбаанньыкка улахан суума харчыны ыыппыта быһаарыллыбыт.

СӨ ИДьМ коррупцияны утары отделын үлэһиттэрэ Нерюнгри улууһун баһылыгын солбуйааччыта муниципальнай хантараагы толорууга сымыйа дааннайдары толорбутунан туппуттар. Салгыы суһал тэрээһиннэри ыытыы кэмигэр полиция үлэһиттэрэ дуоһунастаах сирэй сымыйанан докумуону толорон, муниципальнай бүддьүөт харчытын уорууга уорбаланарын быһаарбыттар.

Оперативниктар чахчыларынан, дуоһунастаах сирэй салгын саарыктарын атыылаһыыга урбаанньыт өҥөнү ситэри толорботун билэн туран, дуоһунаһын балаһыанньатын туһаммыт. Кини тэрилтэ дуогабарыгар урбаанньыт өҥөнү толорбутун туһунан сымыйа аахталарга илии баттаабыт уонна бүддьүөт харчытын ыытары ситиспит. Итинэн сибээстэн, уопсайа 246 400 солк. суумалаах харчы ороскуоттамыт. Нерюнгри куоратын Силиэстийэлиир отделын матырыйаалларынан холуобунай дьыала тэрилиннэ.

Холуобунай дьыала суут көрүүтүгэр ыытылынна. Бу туһунан ИДьМ пресс- сулууспата суруйар.