Норуот дьокутаатынан Евгений Слепцов боломуочуйатын бигэргэттилэр
Парламентарийдар тохсус уочараттаах Ил Түмэн пленарнай мунньаҕар норуот дьокутаатынан Евгений Слепцов боломуочуйатын бигэргэттилэр.
Мунньахха Саха сирин Бырабыыталыстыбатын бэрэссэдээтэлэ Кирилл Бычков, СӨ Кылаабынай федеральнай инспектора Евгений Корнеев, СӨ Борокуруора Максим Попов уонна ыҥырылаахтар кытталлар.
СӨ тохсус ыҥырыылаах Ил Түмэн мандатнай уонна регламент хамыыһыйатын бэрэссэдээтэлэ Игорь Григорьев Халыма-Индиигир биир мандааттаах быыбардыыр уокуругар ыытыллыбыт быыбар түмүгүн иһитиннэрдэ. Бу күһүн ыытыллыбыт Халыма-Индиигир биир мандааттаах быыбардыыр уокуругун быыбарыгар Евгений Слепцов «Биир ньыгыл Арассыыйа» баартыйаттан норуот дьокутаатынан талыллыбыта.
Дьокутааттар 34 №-дээх Халыма-Индиигир биир мандааттаах быыбардыыр уокуруктан талыллыбыт Ил Түмэн дьокутаатынан Слепцов Евгений Михайлович боломочуйатын Ил Түмэн уурааҕынан бигэргэттилэр.
Cанаттахха, Слепцов Евгений Михайлович, 1969 с. төрөөбүтэ. «Полярные авиалинии» авиа хампаанньаҕа уматыгынан, тырааныспарынан хааччыйыыга дириэктэринэн үлэлиир. «Биир ньыгыл Арассыыйа» баартыйаттан туруоруллубута.
Сообщить об опечатке
Текст, который будет отправлен нашим редакторам: