Ньурба улууһугар уот холбонно

Бу сарсыарда Ньурба уонна Таатта улуустарын сорох нэһилиэктэригэр уот барда диэн иһитиннэрии киирбитэ. Тута туһааннаах тэрилтэ пресс-сулууспатыгар төлөпүөннээн хоруйу ылбыппыт. Ньурба улууһугар уоту холбообуттар.

Ньурба улууһугар уот холбоммутун туһунан баһылык Алексей Иннокентьев: “Уон биир чаас устата уот бара сырытта. Халлаан олус тымныы буолан, уот ситимэ тыҥаан тоҕо тардан (“натяжка”) кэбиспит. Биир кэлим быыһыыр сулууспа, Ньурбатааҕы РЭС бары бииргэ үлэлээтилэр. Уот кэллэ, барыта кэминэн”, — диэн иһитиннэрдэ.

Онтон Таатта улууһун Уолба, Уус Таатта уонна Хара Алдан уотун 8 чаас 10 мүн. холбообуттара. Икки биригээдэ “Уолба – Мэҥэ Алдан” лииньийэтин көрө сылдьаллар диэн пресс-сулууспа иһитиннэрбитэ.

Хаартыска: СИАтан.