Саха сиригэр алтынньы 27 күнүттэн сэтинньи 11 күнүгэр диэри “Оскуола бастыҥ остолобуойа” Бүтүн Арассыыйатааҕы куонкурус эрэгийиэннээҕи түһүмэҕэ буолан ааста. Куонкуруска кыттарга сайаапка 19 оскуолаттан киирбит: Амма (1), Үөһээ Бүлүү (3), Бүлүү (1), Эдьигээн (1), Мэҥэ Хаҥалас (1), Нам (2), Нерюнгри (1), Өлүөхүмэ (5), Томпо (1), Хаҥалас (1) улуустарыттан уонна Дьокуускай (2) куораттан.
Итинтэн 2 оскуоланы “Куорат оскуолатын бастыҥ остолобуойа” уонна 17 оскуоланы “Тыа сирин оскуолатын бастыҥ остолобуойа” диэн номинацияларга киллэрбиттэр. Куонкурус кэтэхтэн ыытылынна. Кыттааччылар портфолио, билиһиннэрэр өйдөбүлү, иһитиннэрэр каартаны, төрөппүттэр уонна үөрэнээччилэр сыанабылларын, хас биирдии бэлэм бүлүүдэ технологическай каартатын, ону тэҥэ, хаартыскатын уонна видеонан матырыйаалын киллэрбиттэр.
Оскуола остолобуойдарын үлэтин Доруобуйа харыстабылын, Үөрэх уонна билимин министиэристибэтин, Роспотребнадзор, Өрөспүүбүлүкэтээҕи аһылык технологиятын киинин уонна Саха сиринээҕи төрөппүттэр сэбиэттэрин үрдүк таһымнаах эспиэртэрэ сыаналаатылар.
Баалынан, эриэйтининэн сыаналааһын түмүгэр кыайыылааҕынан “Куорат оскуолатын бастыҥ остолобуойа” номинацияҕа Дьокуускай куораттан Саха политиэхиньиичэскэй лиссиэй, “Тыа сирин оскуолатын бастыҥ остолобуойа” номинацияҕа Үөһээ Бүлүү улууһун Н.К. Седалищев-Дьүөгэ Ааныстыыров аатынан Кэнтик оскуолата таҕыстылар.
Н.К. Седалищев-Дьүөгэ Ааныстыыров аатынан Кэнтик оскуолата, Уфа (Башкортостан) уонна Москва куораттарга үс туурунан ыытыллар Бүтүн Арассыыйатааҕы куонкурус федеральнай түһүмэҕэр өрөспүүбүлүкэ аатыттан кыттыаҕа. Ити туһунан Үөрэх уонна билим министиэристибэтин пресс-сулууспата суруйар. Сиһилии манна ааҕыҥ.
Бу күннэргэ Нам улууһугар оҕуруот аһын уонна хортуоппуй үүннэриитинэн дьарыктанар бааһынай хаһаайыстыбалар субсидия (көмө харчы)…
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…