Оскуола үөрэнээччитэ ийэтин каартатыттан 1,5 мөлүйүөн солкуобайы түөкүттэргэ ыыппыт

Мииринэй олохтооҕо түөккүттэр угаайыларыгар киирэн биэрбитин туһунан тыллаабыт.

Хара санаалаахтар бу сырыыга 10 саастаах кыыс оҕону албыннаабыттар уонна ийэтин каартатыттан 483 000 солк. харчыны уорбуттар. Бу туһунан Саха сиринээҕи ИДьМ пресс-сулууспата иһитиннэрэр.

Алтынньы бүтүүтэ кыыс оҕо мобильнай төлөпүөнүнэн онлайн оонньууну оонньообут уонна блогеры кытта суруйсубут. Блогер «Roblox» онлайн оонньууга виртуальнай харчыны атыылаһарга этии көтөхпүт — оскуола үөрэнэччитэ тутатына сөбүлэспит. Түөкүн салайыытынан  баан сыһыарыытын туһанан кыыс оҕо ийэтин төлөпүөнүттэн ыйыллыбыт счекка баар харчыны барытын ыыппыт.

Полиция үлэһиттэрэ төрөппүттэргэ оҕолорун кытта куйаар ситимигэр билбэт дьону кытта кэпсэтэллэрин хонтуруоллууларыгар, ону сэргэ баан сыһыарыытынан туһанан улахан суума харчыны ыытары хааччахтыырга сүбэлииллэр.