Покровскайга 4 саастаах оҕо түннүктэн суулунна

Бүгүн Хаҥалас улууһун Покровскай куоратыгар элбэх кыбартыыралаах дьиэттэн 4 саастаах оҕо түннүктэн суулунна.

Бу туһунан «Саха» НИКИк Хаҥаластааҕы филиала иһитиннэрэр.

Барыллаан быһаарыынан, Кирзавод микрооройуонугар оҕо 7 этээстэн сууллубут. Улуустааҕы ЕДДС иһитиннэрбитинэн, оҕо ыарахан туруктаах искусственнай комаҕа сытар. Бүгүн киэһэ Дьокуускай куораттан 22-00 ч. санрейс кэлэрин күүтэллэр.

Оҕолор түннүктэн сууллаллара саас уонна сайын үгүстүк тахсара  бэлиэтэнэр. Үгүстүк бииртэн биэһигэр диэри саастаах оҕолор түннүктэн түһэллэр. Ол иһин исписэлиистэр кыра оҕо түннүгү сатаан аспатын курдук анал хатааһыны оҥотторору сүбэлииллэр.

Хаартыска: Саха» НИКИк Хаҥаластааҕы филиалын телеграмм-ханаалыттан