Покровскайга ийэ уолун алҕас өлөрбүт

Хаҥалас улууһугар, Покровскайга саастаах дьахтары киһи өлүүтүгэр буруйдааҕынан уорбалаан туттулар.

Бу туһунан СӨ Прокуратурата телеграм-ханаалыгар иһитиннэрэр. Силиэстийэ көрдөрөрүнэн, дьахтар төрөппүт уолунаан этиһии кэмигэр умса аспыт. Сууллубут эр киһи иһинэн тумбаҕа кэтиллибит уонна улаханнык эчэйэн, сотору кэминэн суорума суолламмыт. Биллэн турар, бу этиһии арыгылааһын түмүгэр үөскээбит. Буруйдаах дьахтар дьыалата суукка утаарыллыбыт.