Полиция үлэһиттэрэ үрүсээктэн төлөпүөнү уорууну арыйдылар

ИДьМ Дьокуускайдааҕы 4-с нүмэрдээх полиция салаатын дьуһуурунай чааһыгар олохтоох киһи тиийэн үрүсээкпиттэн төлөпүөммүн уордулар диэн сайабылыанньа суруйбут. Төлөпүөн хаҕар баан каартата сылдьыбыт эбит.

3-с нүөмэрдээх полиция салаатын үлэһиттэрэ суһал-көрдүүр салааҕа үлэлиир биир идэлээхтэрин кытта суһаллык көрдөөһүнү ыытыыларын түмүгэр, Сунтаар улууһуттан төрүттээх 45 саастаах, урут сууттана сылдьыбыт киһи буоларын быһаарбыттар.

Уорбаланааччы Халтурин аатынан уулуссаҕа баар баарга сылдьан сытар үрүсээги бэлиэтии көрбүт. Ким даҕаны көрбөтүн билэн баран, иһиттэн төлөпүөнүн ылбыт уонна саһан хаалбыт. Төлөпүөнүнэн туһанаары гыммыт эрээри, сатаан блокировкатын уһулбакка бырахпыт. Төлөпүөн хаҕар сыдьыбыт баан каартатынан атыыласпыт, 6 тыһ. солк. курдугу бараабыт.

РФ Холуобунай Кодексын 158 ыст. 2 ч. “Уоруу” холуобунай дьыала тэриллибит. Тустаах ыстатыйанан буруйданааччы 5 сылга диэри көҥүлэ быһыллыан сөп.

Бу туһунан Дьокуускайдааҕы ИДьМ пресс-сулууспата суруйар.