Полина-Победа: «Уолаттар төттөрү кэллиннэр»

Куонкуруспут 14-с кыттааччыта  Уус Алдантан Полина-Победа:

УОЛАТТАР ТӨТТӨРҮ КЭЛЛИННЭР

Алаастан аттаммыт алааска,
Куоракка төрөөбүт куоракка
Уолаттар эргиллэн кэллиннэр!
Ийэни, кэргэни куустуннар!

Бастакы хомуурга барбыттар
Бастакы хотойдор буолаллар!
Чааһынан санаата күүһүрбүт,
Дойдуну көмүскүү туруммут!

Күннэрин-түүннэрин тэҥинэн
Эргиппит элбээтэ олоххо:
Утуйбат, ороҥҥо эргийэр
Эбээлэр, эһээлэр, дьиэ кэргэн.

Эйэлээх олоххо түүн кылгас —
Билигин бүппэтэ уһунуон!
Кыракый сааһыгар уол мэник —
Улаатан суон дурда дойдуга.

Уол оҕо, эр киһи сыанатын
Кыл түгэн өйдөттө олохпут.
Уол оҕо, эр киһи ХОТОЙБУТ
Кыайыылаах-хотуулаах төнүннүн!

Төнүннүн төрөөбүт сиригэр!
Олоҕун толору олордун!
Таҥара анаабыт олоҕун
Хайдахтаах да сэрии быспатын!