Хаартыска: SakhaGov
Саха сирин олохтооҕо Максим Писаренко 2025 сыллаахха бойобуой сорудаҕы толоро сылдьан, ыараханнык бааһырбыта. Доруобуйаны чөлүгэр түһэринэр уонна протез оҥорторор наада буолбута. Максим дьиэтигэр кэлбитигэр дьиэ кэргэнэ уонна аймахтара өйөөбүттэрэ уонна атаҕар турарыгар көмөлөспүттэрэ.
Максим кыра оҕо эрдэҕиттэн футболунан дьарыктаммыта, Саха сирин сүүмэрдэммит хамаандатыгар киирбитэ. Успуорт киниэхэ олоҕун биир сүрүн сыала-соруга, ол да иһин кини успуорка сүүрүү көрүҥнэринэн салгыы дьарыктанар соругу туруоруммута.
2026 сыллаахха Дьокуускайга успуорт адаптивнай көрүҥнэригэр ыытыллар “Дьулуур” спартакиадаҕа олорон эрэ волейболга уонна ытыыга кыттыбыта. Ол гынан баран, урут оҥорторбут протеһа кини кыаҕын толору арыйарыгар мэһэйдиирэ.
Ол иһин, бэтэрээн Нерюнгри куоракка “Дойдуну көмүскээччилэр” судаарыстыбаннай пуонда социальнай сүрүннээччилэригэр кэлбитэ. Онуоха Евгений Левкин уол баҕатын өйөөбүтэ, успуорт сүүрүү көрүҥнэринэн дьарыктанарыгар спортивнай протеһы ыларга тустаах былаан оҥорбута. Максим Эдуардович сайаапкатын өйөөннөр, быйыл алтынньыга Москва уобалаһын “Фризино куоратыгар “Исток-Орто” протез оҥорор тэрилтэтигэр барбыта. Манна кини “Дойдуну көмүскээччилэр” судаарыстыбаннай пуонда үбүн суотугар успуордунан дьарыктанарыгар анаан протез оҥорбуттара. Максим билигин успуордунан толору дьарыктанар кыахтанна. Саҥа уллуҥаһы бэтэрээн сүүрүүнэн дьарыктанарын, успуорт саалатыгар сылдьарын курдук оҥордулар.
Максим хайыы үйэ буолуохтаах күрэхтэһиилэргэ бэлэмнэнэ сылдьар.
Максим Писаренко анал дьайыыга хантараак түһэрсэн барбыта. РФ Сэбилэниилээх Күүстэрин 56-с туспа гвардейскай мотострелковай биригээдэтин састаабыгар сулууспалаабыта. Хорсунун уонна бэйэтин харыстаммат быһыытын иһин Максим Эдуардович “Хорсун буолуу” уордьанынан уонна “Бойобуой доҕордоһууну бөҕөргөтүү иһин” мэтээлинэн наҕараадаламмыта.
Санатан эттэххэ, “Аҕа дойдуну көмүскээччилэр” судаарыстыбаннай пуонда Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр аадырыстаммыт көмөнү оҥоруунан дьарыктанар. Пуонда үлэтин биир хайысхата — эйэчиилээх байыастары доруобуйаны чөлүгэр түһэрэр сириэстибэлэринэн: протезтарынан, кириэһилэ-кэлээскэлэринэн, истэр аппараттарынан хааччыйыы.
СӨ Ил Дарханын уонна бырабыыталыстыбатын пресс-сулууспата
Бүгүн биһиги дьон-сэргэ ортотугар киэҥник тарҕаммыт, ол эрээри үгүс атыылаһааччылар соччо билбэт, сэрэйбэт кыһалҕаларын туһунан…
Саха сиригэр дьону уматыгынан хааччыйыы балаһыанньата билигин бигэ туруктаах. Уматыгы тиэрдии уонна тарҕатыы былаан быһыытынан…
2032 сылга Дьокуускай куорат төрүттэммитэ итиэннэ Саха сирэ Арассыыйа састаабыгар киирбитэ 400 сыллара буолар. Бу…
Саха сирин олохтоохторун чараас мууска тахсартан туттуналларыгар ыҥыраллар. Саха сиринээҕи ЫБММ Сүрүн управлениетын ГИМС киинин…
Саха сиригэр быйылгы халаан уутун кэннэ чөлүгэр түһэрэр үлэлэр түмүгүн таһаардылар. Ону таһынан 2027 сыллааҕы…
Дьокуускайга командировкаҕа кэлэн үлэлии сылдьар Иркутскай уобалаһын олохтооҕуттан биир мөлүйүөн солк. тахса суумалаах харчытын уонна…