Хаартыска: Валерий Николаеа ТГ-ханаалыттан
Саха сиригэр дьону уматыгынан хааччыйыы балаһыанньата билигин бигэ туруктаах. Уматыгы тиэрдии уонна тарҕатыы былаан быһыытынан барар. Бу туһунан брифинг кэмигэр СӨ Гражданскай оборуонаҕа уонна нэһилиэнньэ олоҕун-дьаһаҕын куттала суох буолуутун хааччыйыыга миниистирин солбуйааччы Никита Павлов иһитиннэрдэ.
Кини иһитиннэрэринэн, билигин «Туймаада-Нефть» уонна «СибОйл» сапыраапкаларыгар уматыгы атыылааһыҥҥа эрдэ киллэриллибит быстах кэмнээҕи хааччахтар уһулуннулар. Ол иһигэр уматыгы анал иһиккэ куттуу эмиэ көҥүллэннэ. Ол эрээри, «Саханефтегазсбыт» АУо сапыраапкаларыгар уматыгы биэриигэ хааччах өссө даҕаны салҕанар. Биир массыынаҕа 20-тэн 30 лиитирэҕэ диэри эрэ уматык кутуллар.
Өрөспүүбүлүкэни уматыгынан тохтоло суох хааччыйар туһуттан, тимир суолунан эбии баартыйалары таһыы салҕанар. Кэлбит уматык нефтебаазаларга түһэн, онтон салгыы тарҕатыллар.
«Өрөспүүбүлүкэни уматыгынан хааччыйыы бигэ туруктаах. Нэһилиэнньэҕэ уматыгы биэрии былаан быһыытынан барар. Өрүскэ муус туруон иннинэ, уматык саппааһа толору оҥоһулунна. Бу саппаас кыһыҥҥы суол туруор диэри барытыгар тиийиэҕэ», — диэн Никита Павлов эттэ.
Миниистири солбуйааччы бэлиэтииринэн, Саха сирин бары оройуоннарыгар уматык кэмигэр тиийэрин хааччыйар туһуттан, эппиэттээх биэдэмистибэлэр уматыгы таһааччылары кытта бииргэ үлэлэһэллэр.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Сиһилии: https://www.sakha.gov.ru/news/68158
Бүгүн биһиги дьон-сэргэ ортотугар киэҥник тарҕаммыт, ол эрээри үгүс атыылаһааччылар соччо билбэт, сэрэйбэт кыһалҕаларын туһунан…
Саха сирин олохтооҕо Максим Писаренко 2025 сыллаахха бойобуой сорудаҕы толоро сылдьан, ыараханнык бааһырбыта. Доруобуйаны чөлүгэр…
2032 сылга Дьокуускай куорат төрүттэммитэ итиэннэ Саха сирэ Арассыыйа састаабыгар киирбитэ 400 сыллара буолар. Бу…
Саха сирин олохтоохторун чараас мууска тахсартан туттуналларыгар ыҥыраллар. Саха сиринээҕи ЫБММ Сүрүн управлениетын ГИМС киинин…
Саха сиригэр быйылгы халаан уутун кэннэ чөлүгэр түһэрэр үлэлэр түмүгүн таһаардылар. Ону таһынан 2027 сыллааҕы…
Дьокуускайга командировкаҕа кэлэн үлэлии сылдьар Иркутскай уобалаһын олохтооҕуттан биир мөлүйүөн солк. тахса суумалаах харчытын уонна…