СахаГов.ру
Саха сиригэр быйылгы халаан уутун кэннэ чөлүгэр түһэрэр үлэлэр түмүгүн таһаардылар. Ону таһынан 2027 сыллааҕы сааскы уонна сайыҥҥы-күһүҥҥү халааҥҥа бэлэмнэниини ырыттылар. Ыксаллаах быһыыга-майгыга хамыыһыйа мунньаҕын өрөспүүбүлүкэ бырабыыталыстыбатын бэрэссэдээтэлин бастакы солбуйааччыта Николай Бочков ыытта.
2026 сылга өрөспүүбүлүкэ өрүстэригэр 213 гидрологическай пуос үлэлээбитэ. Муус хаайтарар, туруута үөскүүр кутталлаах сирдэригэр исписэлиистэр мууһу эрбээһин уонна хараардыы үлэтин ыыппыттара. Эрдэттэн маннык дьаһаныы хас да оройуоҥҥа улахан хоромньу тахсарын тохтоппута.
Сааскы муус устар уонна сайыҥҥы-күһүҥҥү ардах ууларын халааннарыттан уопсайа 30 нэһилиэк эмсэҕэлээбитэ. Олохтоохторго материальнай көмө оҥорорго, дьиэни-уоту өрөмүөннүүргэ уонна олорор дьиэлэрин сүтэрбиттэргэ туһаайыллыбыт үп көрүллүбүтэ.
Ууга барбыт нэһилиэктэргэ чөлүгэр түһэрэр үлэлэр бардылар. Холобур, Дьааҥы улууһугар оскуола уонна быраас амбулаторияларын өрөмүөнэ түмүктэннэ. Олохтоохторго устудьуоннар этэрээттэрэ эмиэ улахан көмөнү оҥордулар.
Николай Бочков быыһааччыларга, муниципальнай тэриллиилэр үлэһиттэригэр, исписэлиистэргэ уонна баҕа өттүнэн көмөлөспүт дьоҥҥо барҕа махтал тылларын эттэ.
«Бу ылбыт уопуппутун эһиилги халаан уутугар бэлэмнэнэрбитигэр учуоттуохпут. Оройуоннары кытта бииргэ ууга барыан сөптөөх нэһилиэктэр испииһэктэрин чуолкайдыахпыт, көмүскүүр тутуулар туруктарын уонна сэрэтэр систиэмэлэр бэлэмнэрин бэрэбиэркэлиэхпит. Дьон-сэргэ уу кэлэрин туһунан иһитиннэриини кэмигэр ылара уонна уу таҕыстаҕына хайдах дьаһанарын билэрэ олус суолталаах», — диэн бэлиэтээтэ Николай Бочков.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Сиһилии: https://www.sakha.gov.ru/news/68150
Саха сиригэр дьону уматыгынан хааччыйыы балаһыанньата билигин бигэ туруктаах. Уматыгы тиэрдии уонна тарҕатыы былаан быһыытынан…
Саха сирин олохтооҕо Максим Писаренко 2025 сыллаахха бойобуой сорудаҕы толоро сылдьан, ыараханнык бааһырбыта. Доруобуйаны чөлүгэр…
2032 сылга Дьокуускай куорат төрүттэммитэ итиэннэ Саха сирэ Арассыыйа састаабыгар киирбитэ 400 сыллара буолар. Бу…
Саха сирин олохтоохторун чараас мууска тахсартан туттуналларыгар ыҥыраллар. Саха сиринээҕи ЫБММ Сүрүн управлениетын ГИМС киинин…
Дьокуускайга командировкаҕа кэлэн үлэлии сылдьар Иркутскай уобалаһын олохтооҕуттан биир мөлүйүөн солк. тахса суумалаах харчытын уонна…
Бултаммыт кыыл олус улахан буолан, тыаттан таһаарарга тыраахтары туһаналларыгар тиийбиттэр. Оттон эһэни астыырга биир сууккаттан…