Пушкинскай карта көһөн эрэр, тиэтэйиҥ

2026 сыл тохсунньу 1 күнүттэн Пушкинскай карта саҥа операторынан ВТБ буолуоҕа. Түмэллэргэ, тыйаатырдарга, киинэлэргэ салгыы босхо сылдьар туһугар саҥардыллыбыт каартаны сакаастыыр ирдэнэр. Эргэ каарта хаһыс чыыһылаҕа диэри үлэлиир?

Саҥа каартаҕа сайаапканы ахсынньы 28 күнүгэр диэри эбэтэр Саҥа дьыл – тохсунньу 1 күнүн кэнниттэн биэриэххэ сөп:

— “Судаарыстыбаннай өҥө” мобильнай сыһыарыытыгар;

— Почта Баан сыһыарыытынан эбэтэр саайтыгар;

— Почта Баан эбэтэр ВТБ туһанааччыларга аналлаах кииннэригэр тиийэн.

Урукку каарта ахсынньы 31 күнүн 15:00 чааһыгар диэри үлэлиэҕэ. Өскөтүн харчыгытын бу сылга баттаһа кыайан туттубат буоллаххытына, эрдэттэн 2026 сылга буолар тэрээһиннэргэ билиэт ылан кэбиһиэххитин сөп.

Пушкинскай каарта 14-22 саастаах эдэр дьоҥҥо бэриллэр. Хас сыл ахсын судаарыстыба каартаҕа 5000 солк. угар, ону култуура тэрээһиннэригэр туһаныахха сөп: киинэҕэ, тыйаатырга, кэнсиэркэ, быыстапкаҕа.