«Ревизор» быыстапканы сэҥээрдилэр

А.Е.Кулаковскай аатынан норуоттар доҕордоһууларын дьиэтигэр нуучча улуу суруйааччыта Николай Васильевич Гоголь төрөөбүтэ  215 сылынан «Ревизор» быыстапка арылынна.

Манна СӨ доруобуйа харыстабылын туйгуна, «Саха сирин кэллиэксийэньиэрдэрэ» түмсүү чилиэнэ, 26 сыл ревизордаабыт Анатолий Михайлович Хохолов кэллиэксийэтэ туруорулунна. Быыстапкаҕа хас да омук тылынан тылбаастаммыт кинигэлэр көрдөрүүгэ бааллар. Ону сэргэ диафильмнар, кэнсиэр бырагыраамалара, диискэлэр.

Экспозиция муус устар 25 күнүгэр диэри турар.

А.Е.Кулаковскай аатынан норуоттар доҕордоһууларын дьиэтин пресс-сулууспата