Хаартыска kremlin.ru
“Уһук Илиҥҥи эрэгийиэннэргэ улахан болҕомтобутун уурабыт. Билигин Саха сиригэр, Владивостокка, Хабаровскайга улахан бырайыактардаахпыт. Өссө да сайыннарар былааннаахпыт”, — диэн иһитиннэрдэ бэҕэһээ “РусГидро” хампаанньа салайааччыта Виктор Хмарин РФ бэрэсидьиэнэ Владимир Путин кытары көрсүһүүтүгэр.
“РусГидро” энергетика эйгэтигэр Арассыыйаҕа биир саамай улахан хампаанньа буолар. Хампаанньа 2004 сылтан үлэлиир. Арассыыйа бүддьүөтүгэр биир улахан нолуок төлүүр хампаанньа быһыытынан биллэр. Былырыыҥҥы көрдөрүүнэн, бүддьүөккэ 90 млрд солкуобайы нолуок быһыытынан киллэрбит.
Хампаанньа 2035 сылга диэри энергетика саҥа көрүҥэр дойду үрдүнэн ыытар улахан бырагыраамалаах. Былырыын дойду экэниэмикэтигэр 120 млрд солкуобайы инвестициялаабыт. “РусГидро” салайааччыта Виктор Хмарин бэлиэтииринэн, хампаанньа 2027 сылга диэри инвестициялыыр харчыта 650 млрд солкуобайга диэри тиийиэхтээх, онуоха Уһук Илин эрэгийиэннэргэ улахан бырайыактары былааннаан олорор.
— Биһиги үлэбитигэр билигин Уһук Илиҥҥи эрэгийиэннэр бастакы күөҥҥэ тураллар. Бу эрэгийиэннэргэ энергетика эйгэтигэр элбэх бырайыактардаахпыт. Билигин Владивостокка, Хабаровскайга уонна Саха сиригэр уопсайа барыта икки гигавваттан тахса кыамталаах алта эбийиэги тута сылдьабыт. Чуолаан, хотугу оройуоннарга, суола-ииһэ суох нэһилиэнньэлээх пууннарга, болҕомтобутун уурабыт. Күн, тыал күүһүн туһанан хомуур дизельнэй станциялары тутабыт, — диэн этэр Виктор Викторович.
Санатан эттэххэ, “РусГидро” хампаанньа Саха сирин кытары уруккуттан үлэлэһэр. 2017 сыллаахха Дьокуускайдааҕы иккис нүөмэрдээх электростанцияны тутан үлэҕэ киллэрбитэ. 2024 сылга диэри Саха сиригэр барыта 72 дизельнэй станциялар саҥардыллыахтаахтар.
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…
Дьокуускайга уһуйаан үлэһиттэригэр аналлаах "Моделирование образовательного процесса по патриотическому воспитанию в ДОО" диэн куурус ыытылынна.…
Арассыыйа бэрэсидьиэнэ Владимир Путин муус устар 28 күнүгэр бырабыыталыстыбаны кытары экэниэмикэ боппуруостарыгар мунньах ыытта. Владимир…
Муус устар бүтүүтэ күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрэрий? Дьокуускайга уларыйа сылдьар былыттаах,…