Саахымакка чөмпүйэнээт саҕаланна

Өрөспүүбүлүкэтээҕи саахымат-дуобат киинигэр бүгүн, кулун тутар 4 күнүгэр, саахымакка хамаанданан бастыыр иһин чөмпүйэнээт саҕаланна. Манна 13  улуустан барыта 70 спортсмен кэллэ.

СӨ физкултуураҕа уонна успуорка миниистири солбуйаачы Гаврил Мохначевскай успуорт бу көрүҥэр сайдыы баран иһэрин бэлиэтээтэ.

—Саахымат федерацията министиэристибэни кытта успуорт бу көрүҥэ оҕолорго, ыччакка уонна улахан дьоҥҥо күүскэ сайдарыгар ыкса ылсан үлэлэһэллэр. Сыл саҕаланыытыгар эр дьоҥҥо классическай саахымакка СӨ Баһылыгын Кубогын иһин күрэхтэһии үрдүк таһымнаахтык ыытыллыбыта. Онно дойду бастыҥ спортсменнара кыттыбыттара, — диэн этэр Гаврил Мохначевскай.

Турнир таблицатын https://chess-results.com/tnr903689.aspx?lan=11&art=3&rd=1. киирэн көрүөххүтүн сөп.

Хаартыскалары манна киирэн  https://disk.yandex.ru/d/TTo7LQPj1fvXUg көрүҥ.

СӨ Ил Дарханын уонна Бырабыыталыстыбатын пресс-сулууспата