Саха АССР-тан саҕалаан Саха Өрөспүүбүлүкэтигэр тиийэ

Муус устар 27 күнүгэр Саха Өрөспүүбүлүкэтин күнэ биэлиэтэнэр. Бу күн 1922 с. Саха сирин устуоруйатыгар аан бастаан судаарыстыбаннас төрүттэммитэ – РСФСР састаабыгар Саха АССР киирбитэ. Ол кэннэ 70 сыл буолан баран 1992 сыл муус устар 27 күнүгэр күүһүгэр киирбит саҥа Конституцияны ылыныы сувереннай өрөспүүбүлүкэ сайдыытыгар уһулуччу дьоһун суолталаах дьиҥ историческай кэрдиис кэминэн буолбута.

СӨ Национальнай бибилэтиэкэтэ Саха АССР олохтонуутун устуоруйатын уонна Саха сирин судаарыстыбата төрүттэниитин кэмин хабар, интэриэһинэй матырыйааллары талан саайтыгар туруорда. Ону тэҥэ манна Саха сирин ураты бэлиэлэрин туһунан кинигэлэрэ уонна араас сыллардааҕы видеохроникалара талыллан киирдилэр.

Кинигэни ханнык баҕарар, интэриниэт баар сиригэр ааҕыахха сөп. Онуоха саайтка авторизацияланыахха эбэтэр регистрацияланыахха эрэ наада.

Онон СӨ Национальнай бибилэтиэкэтин саайтыгар https://new.nlrs.ru/collections/477 сигэнэн киирэҥҥит «От Якутской АССР до Республики Саха (Якутия)» Саха Өрөспүүбүлүкэтин күнүгэр анаммыт матырйааллары көрүөххүтүн сөп.

Манна эһиги Саха сирин устуоруйатын туһунан элбэх интэриэһинэйи булуоххут, видеохроникалары көрүөххүт диэн СӨ Национальнай бибилэтиэкэтэ иһитиннэрэр.