Саха сирэ Оренбурга көмөлөһөр

Муус устар 16 күнүнээҕи туругунан халаантан эмсэҕэлээбит Оренбург уобалаһыгар Саха сириттэн гуманитарнай көмөнү хомуйууга 61 тэрилтэ уонна биирдиилээн дьон кытыннылар.

Өрөспүүбүлүкэ олохтоохторо наадалаах аһы-үөлү, малы-салы: бурдук, саахар, тушенка, мокоруон, куруппа; дьиэҕэ-уокка туттуллар сириэстибэни: мыыланы, тиис суунар паастаны, шампуну, таҥас сууйар бороһуогу, памперсы; анал таҥаһы: эрэһиинэ саппыкыны аҕалбыттар.

Санатар буоллахха, гуманитарнай көмөнү тутар пуун сарсыарда 8.00 чаастан 20.00 чааска диэри үлэлиир. Аадырыһа Курашов уул. 24, 405 каб., төл. 42-14-21.

Өскөтүн эһиги халаантан эмсэҕэлээбит Оренбург уобалаһыгар гуманитарнай көмөнү хомуйар кыах баар буоллаҕына, кыттыһыҥ. Биһиги бары бииргэ кыһалҕалаахтарга көмөлөһөн олоҕу тупсарыахпытын сөп диэн «Биир ньыгыл Арассыыйа» баартыйа Саха сиринээҕи салаата ыҥырар.