Саха сирэ Турцияҕа көмө ыытта

Share

Ил Дархан Айсен Николаев дьаһалынан Турция Өрөспүүбүлүкэтигэр сир хамсааһыныгар эмсэҕэлээбит куораттарга көмө тиийдэ. Арассыыйа биир бастакынан дьону быыһааһыҥҥа бэйэтин исписэлиистэрин ыыппыта.

Олунньу 6 күнүгэр Турцияҕа уонна Сирияҕа сир хамсаан, тыһыынчанан киһи олоҕун илдьэ барда. Сууллубут дьиэлэр сэмнэхтэриттэн дьону быыһааһын бу үс күн устата биир да сөкүүндэҕэ тохтообокко күнүстэри-түүннэри бара турар. Турция бэрэсидьиэнэ Реджеп Тайип Эрдоган бу алдьархайы өтөрүнэн буолбатах улахан сир хамсааһына диэн бэлиэтээбитэ. Билиҥҥи туругунан, 16 тыһыынчаттан тахса киһи суорума суолланна, 64 тыһыынчаттан тахса киһи эчэйдэ. Олунньу 6 күнүттэн Турцияҕа биир нэдиэлэ кутурҕан биллэриллэн турар.

Ил Дархан Айсен Николаев Арассыыйаҕа Турция Өрөспүүбүлүкэтин посолун Мехмет Самсары кытары тута төлөпүөнүнэн кэпсэппитэ. Айсен Сергеевич бэйэтин кутурҕанын биллэрэн туран, Саха сирэ бу алдьархайтан туора турбатын, көмөтүн ыытыаҕын туһунан иһитиннэрбитэ.

СӨ тас сибээһин уонна норуоттарын дьыалаларыгар миниистирэ Гаврил Кириллин, Саха сириттэн Турцияны кытары үлэлэһэр тустаах бэрэстэбиитэл Айхал Габышев посольствоны кытары сибээстэһэ олороллор. Саха сириттэн көмөнү тэрийэн ыыттылар.

Турцияҕа олус улахан алдьатыылаах сир хамсааһына буолла. Тыһыынчанан киһи сырдык тыына быһынна, уон оччонон элбэх киһи эчэйдэ, дьиэтэ-уота суох хаалла. Биһиги дойдубут Арассыыйа бу алдьархайга биир бастакынан илиитин ууммута, билигин ЫБММ быыһааччылара, миэдиктэрэ миэстэтигэр тиийэн дьону быыһааһыҥҥа үлэлии сылдьаллар. Ону таһынан Арассыыйа үрдүнэн гуманирнай көмө хомулла сылдьар. Ил Дархаммыт дьаһалынан Саха сирэ эмиэ бу хамсааһыҥҥа тута кыттыһан, билигин олус наадалаах түргэнник хомуллар (модульнай) кыра дьиэлэри ыыттыбыт. Эмсэҕэлээбит куораттарга билигин хаар түһэ турар, онон сылаас дьиэ бастакы уочарат наада. Маннык иэдээн хаһан да хатыламматар ханнык, — диэн иһитиннэрэр Айхал Иванович.

Турция уонна Сирия эмсэҕэлээбит куораттарыгар билигин аан дойду барыта турунан көмөлөһөн эрэр. Бу сир хамсааһына аҥаардас икки дойду иэдээнэ эрэ буолбакка, бүттүүн аан дойду үрдүнэн соһумар. Арассыыйаҕа Турция посольствота күүс-көмө буолуон баҕалаах дьоҥҥо анал счет арыйда. Бу хомуллубут харчы Турция ыксаллаах быһыыны-майгыны сэрэтиигэ уонна туоратыыга управлениетыгар (AFAD) барыаҕа.

ЗираатБанк (Москва):

Расчетный счет: 40807810000000533704

Наименование получателя: Посольство Турецкой Республики в РФ

ИНН 9909064022

КПП 773860001

БИК 044525116

к/с 30101810700000000116

Кредит ЕвропаБанк (Россия):

Расчетный счет: 40807810663900021847

Наименование получателя: Посольство Турецкой Республики в РФ

ИНН 9909064022

КПП 773860001

БИК 044525767

к/с 30101810900000000767

(Бу счекка харчы ыытаргытыгар «Помощь пострадавшим от землетрясения в Турции» диэн бэлиэтиигит).

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар

Покровскай куоракка Өлүөнэ кытылын ыраастаатылар

Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…

10 часов ago
  • Сонуннар
  • Спорт

Саха сирин оҕолоро карате-киокусинкайга аан дойдутааҕы күрэхтэһиигэ кыттыахтара

Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…

11 часов ago
  • Сонуннар

Анкараҕа “Өлбөт үйэлээх полк” буолан ааста

Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…

11 часов ago
  • Сонуннар
  • Уопсастыба

Саха сиригэр «Өлбөт үйэлээх полк» аахсыйа саҕаланна

Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…

11 часов ago
  • Сонуннар
  • Уопсастыба

Бэтэрээн Петр Яковлевы эҕэрдэлээтилэр

Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…

12 часов ago
  • Сонуннар
  • Уопсастыба

Кыайыы күнүн көрсө ыраастааһын аахсыйата

Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…

12 часов ago