Саха сиригэр 21 мөл. солк. тахса сууманы уорбут буҕаалтыр сууттаныаҕа

СӨ ИДьМ уорганын силиэстийэлиир чааһа Дьокуускай куорат олохтооҕо, 40 саастаах дьахтар, Арассыыйа Федерациятын Холуобунай Кодексатын 4 ч. 159 ыст. буруйу оҥорууга холуобунай дьыалатын силиэстийэлээһинин түмүктээтэ.

Силиэдэбэтэл этэринэн, дьахтар 2020 сыл тохсунньутуттан эниэргийэнэн хааччыйар хампаанньаҕа кылаабынай буҕаалтырынан үлэлии сылдьан, үс сыл устата тэрилтэ харчытын хас да төгүл уорбута билиннэ. Бу туһунан ИДЬМ пресс-сулууспата суруйар.

Буруйданааччы хампаанньа салайааччытын электроннай илии баттааһынын илдьэ сылдьан, сымыйа бухгалтерскай уонна үп-харчы докумуоннарын оҥорбута быһаарылынна. Ол кэннэ, кини тэрилтэ үлэһиттэригэр ыйдааҕы хамнастарын төлөбүрдэрин сууматын  улаатыннаран, сымыйа испииһэги оҥорон, кэлин хаалбыт араастаһыы суума үбү-харчыны бэйэтигэр туһаммыта дакастанна.

Ол курдук, буруйданааччы үс сыл устата көҥүл 21,5 мөлүйүөнтэн тахса сууманы бэйэтин наадатыгар ороскуоттаабыта билиннэ. Салгыы холуобунай дьыала суудка көрүллүөҕэ.