Саха сиригэр 328 тыһыынча туонна кэриҥэ оту бэлэмнээтилэр

Атырдьах ыйын 14 күнүнээҕи туругунан, Саха сиригэр 328 573 туонна от оттонно, ол эбэтэр былаан 71%-на толорулунна.

Быйыл өрөспүүбүлүкэҕэ ынах уонна сылгы кыстыырыгар уопсайа 459 307 туонна от оттонуохтаах. Бу көрдөрүү былырыыҥҥытааҕар 15%-нан элбэх. Итиэннэ 23 885 туонна сиилэһи бэлэмниэхтэрэ.

От хампаанньатын кэмигэр бүтэрэр туһугар оройуоннарга ыраах сытар оттуур сирдэргэ үлэни күүһүрдэргэ сорудахтаабыттара. Ил Дархан Айсен Николаев сорудаҕынан, бу үлэҕэ мобильнай биригээдэлэр тэриллибиттэр. Өрөспүүбүлүкэҕэ уопсайа 172 маннык сир баар.

Атырдьах ыйын 10 күнүттэн оройуоннарга көҥүл оттооһуну биллэрбиттэрэ. Бырааба суох уонна туһаныллыбатах оттуур ходуһалары тыа хаһаайыстыбатын табаардарын оҥорон таһарааччыларга туттарарга мэктиэлииллэр.