Саха сиригэр оттооһун былаана 99% туолла

Саха сиригэр бүгүҥҥү күҥҥэ 458 758 туонна от (былаан 99%-на) оттонно. 24 494 туонна (102%) сиилэһи, 12 845 туонна  (99%) сенаһы бэлэмнээтилэр. 

2024 сыл саҥатыгар 186,2 тыһыынча төбө сылгы баар буолара күүтүллэр. Быйыл сылгыга анаан 459 307 туонна от бэлэмнэннэ, ол былырыыҥҥыны кытта тэҥнээтэххэ, 15 %-нан элбэх.

Ил Дархан сорудаҕынан, улуустарга мобильнай биригээдэлэр тэриллэн оттообуттара. Бүгүҥҥү күҥҥэ мобильнай биригээдэлэр 24 592 туонна оту ыраах, суола суох сирдэргэ баран, оттоотулар.

Үүнээйини хомуйуу үлэтэ салҕанар. Бурдугу 5881 туоннаны (былаан 56%-на), 51475 туонна (79%) хортуосканы хомуйдулар. Оҕуруот аһын барыта  17 333,7 туоннаны (56%), ол иһигэр хапыыстаны — 4 770,9 туоннаны, моркуобу — 1 717,5 туоннаны, сүбүөкүлэни — 1518 туоннаны, атын оҕуруот аһын — 1328,4 туоннаны хомуйдулар. Тэпилииссэҕэ хомуллар оҕуруот аһа 7999 туонна хомулунна.