Саха сиригэр бастыҥ эдэр тыа үлэһитин быһаардылар

«Эдэр тыа үлэһитэ – 2024» куонкурус кыайыылаахтара уонна призердара быһаарылыннылар.

Куонкуруска барыта 96 үлэ киирдэ, ол иһигэр 22 улуустан уонна 5 Аартыка улуустарыттан. Саха сирин 6-11 кылаастарынан үөрэнэр оҕолор маннык номинацияларынан кытыннылар: бастыҥ эдэр оҕуруот аһын үүннэрээччи, бастыҥ отчут, механизатор, табаһыт, балыксыт, эколог уонна рационализатор.

«Эдэр тыа үлэһитэ – 2024» өрөспүүбүлүкэтээҕи куонкурус түмүгүнэн Амма улууһун Абаҕатааҕы орто оскуолатын үөрэнээччитэ Михаил Лазарев буолла.

Куонкурус тыа сирин үөрэх тэрилтэлэригэр үлэ иитиитин, оскуола үөрэнээччилэрин аграрнай идэлэргэ сыһыарыы уонна үлэ быраактыкатын тиһигин кэҥэтиигэ туһуланар. Тэрийээччи «Юные якутяне» ресурснай киин.

СӨ Ил Дарханын уонна Бырабыыталыстыбатын пресс- сулууспата