Саха сиригэр массыынаттан 1 млрд солк. сыаналаах наркотигы буллулар

Саха сиринээҕи УФСБ үлэһиттэрэ Магадан уобалаһынааҕы кэллиэгэлэрин кытта наркотигынан эргиниини быһаардылар. 1 миллиард солкуобайга тэҥнэһэр сыаналаах 24,5 киилэ ыйааһыннаах наркотигы буллулар диэн биэдэмистибэ пресс-сулууспата иһитиннэрэр.

Мэҥэ Хаҥалас улууһугар Магадан уобалаһыгар айаннаан иһэр массыынаны тохтоппуттар. Мантан араас наркотик угулла сылдьар 45 сууну булбуттар. Эспэртиисэ гашиш, кокаин, мефедрон уо.д.а. буоларын быһаарбыт. Былдьаныллыбыт наркотик 24,5 киилэҕэ тэҥнэспит. «Хара ырыынакка» маны 1 млрд солк. суумаҕа сыаналыыллар.

Арассыыйа киин эрэгийиэннэриттэн наркотигы тиэрдиигэ ханаалы тэрийбит алта киһи тутуллубут.

Билигин бу холуобунай дьыала матырыйаала суукка ыытыллыбыт.